viernes, 7 de agosto de 2015

COSES DE LA TENSIÓN —2º PREMIU RELLATOS HORRU




5—8—2015

FALLU DEL XURÁU:

Aconceyáu el xuráu del IX Concursu de micro-rellatos n'asturianu "L'Horru del Carbayedo" (al marxen dafechu de l’Asociación de Vecinos El Hórreo, entidá que lu entama),  y formáu por  D.  MIGUEL SOLIS SANTOS (biólogu, dibuxante, escritor y miembru de L’Academia de la Llingua Asturiana), Dª Mª XOSÉ RODRÓGUEZ LÓPEZ (esperta en llingua asturiana y responsable del Serviciu de Normalización del Conceyu de Xixón) y D. HUGO CORTINA FANJUL (filólogu, especialista en llingua asturiana y responsable del Serviciu de Normalización del Conceyu de Samartín), actuando como secretaria con voz, pero ensin votu Dª Montserrat Machicado Compañy (filóloga, especialista en llingua asturiana y responsable de la Estaya de la Llingua d’Avilés),  alcordó axudicar los premios relacionaos d’arréu:
 - Primer Premiu (400 € y trofeu):
"Perspeutives" (presentáu col nomatu "El Richi")

 - Segundu Premiu (200 € y placa):
"Coses de la tensión" (presentáu col nomatu "Abelardo")

Namás recibir l’acta, la A. VV El Hórreo (entidá organizadora) despeslló les pliques, resultando ser los autores Ricardo Luis González Ordóñez, de Xixón (primer premiu) y Luisa Méndez Fernández, de Avilés (2º premiu).

Tolos rellatos, premiaos y no premiaos, presentaránse al públicu n’una esposición al aire llibre nel parque’l Carbayedo (Fiestes de San Roque, del 21 al 24 d’Agostu). L’actu  d’entrega premios, xunto cola lletura de los cuentos premiaos, fairáse’l llunes, 24 ("llunes d'asturianía"), n’el Salón de la A. VV. El Hórreo (C/Dr. Marañón, 16, baxu, Avilés), a les 18:00 hores.